ما هي اسباب الام الرقبة و اسفل الظهر؟

هناك العديد من الاسباب المنتشرة مثل تقلصات العضلات و انحلال الغضاريف و المفاصل الخلفية للفقرات (الخشونة) و ازاحة الفقرات او اسباب اقل حدوثا مثل تشوهات العمود الفقري و بعض انواع العدوي او الاورام.

متي يجب ان ازور الطبيب ؟

الالم المستمر الذي لا يستجيب للمسكنات البسيطة او الموضعية

الالم المتكرر علي فترات قريبة

الم الظهر الممتد الي منطقة الفخذ او الساق و القدم او الم الرقبة الممتد للكتف و الذراع و اليد

الالم المصحوب باعراض (تنميل) او ضعف في الاحساس او ثقل في الحركة

ما هي وسائل التشخيص الدقيق لمعرفة اسباب الالم و علاجه؟

لا بديل عن الفحص السريري الشامل و الدقيق من قبل الطبيب المتخصص في جراحة العمود الفقري و يقوم بعدها بتحديد الفحوصات اللازمة مثل الاشعة العادية و المقطعية او الرنين المغناطيسي

ما هي احدث طرق علاج امراض و الام العمود الفقري؟

تبعا لحالة المريض يوجد العديد من وسائل العلاج الحديثة مثل تقنيات حقن الفقرات و الاعصاب بالادوية او التردد الحراري (radiofrequency) او التدخلات الجراحية المحدودة (Minimally Invasive Surgery) و الجراحات الميكروسكوبية و المناظير الجراحية بالاضافة الي وسائل العلاج التقليدية .

ماهي طرق الوقاية من مشاكل العمود الفقري؟

الحفاظ علي الوزن المثالي و الامتناع عن التدخين و الرياضة اليومية البسيطة او المشي الرياضي و تقوية عضلات البطن تقلل بدرجة كبيرة من فرص الاصابة بامراض العمود الفقري

ما هي عواقب التاخر في  التشخيص و العلاج لامراض العمود الفقري؟

كل التقنيات الحديثة في علاج العمود الفقري تكون ناجحة بشكل اكبر مع التشخيص المبكر و قبل حدوث مضاعفات خطيرة يكون التعافي منها اصعب و يحتاج لمدة اطول

هل صحيح ان معظم عمليات العمود الفقري تؤدي الي مضاعفات خطيرة تصل الي الشلل احيانا؟

الصحيح ان مع التكنولوجيا الحديثة المستخدمة في علاج مشاكل العمود الفقري من اشعة و مراقبة للاعصاب اثناء العمليات ،و استخدام التقنيات قليلة التدخل مثل تثبيت الفقرات من خلال الجلد جعلت نسبة حدوث المضاعفات اقل عشرات المرات عن ما قبل.

ما هي الكتف المتجمد (Frozen Shoulder) ؟

هو مرض يصيب مرضي السكر بشكل رئيسي و بعض مرضي الخلل في هرمون الغدة الدرقية و من يعانون اصابات قديمة في الكتف ، تبدأ الأعراض بالم حاد في منطقة الكتف و بعد تكرار الالم تبدأ مرحلة التيبس التي تقل فيها حركة المفصل بشكل تدريجي تصل الي حد الأعاقة عن الحركات العادية للكتف .

هل يوجد علاج لهذا المرض؟

عند التشخيص المبكر يسهل العلاج بواسطة الأدوية او الحقن المفصلي مع العلاج الطبيعي ، اما الحالات الاكثر تقدما فيمكن علاجها الان بواسطة منظار الكتف

ما هي احدث طرق علاج اصابات غضروف الركبة و الرباط الصليبي ؟

يمكن الان تصليح الغضروف بالمنظار بدلا من الاستئصال الجزئي ، كما ان اعادة بناء الرباط الصليبي في الوضع التشريحي بالمنظار (anatomical reconstruction) تعطي امكانية العودة للرياضة خلال اربع شهور فقط من العملية.

ايه هو ال scoliosis  او اعوجاج العمود الفقري؟

ازاي نقدر نعرف ان بنتنا او ابننا عنده اعوجاج عمود فقري مبكرا؟

يمكن للاهل عمل اختبار بسيط للتاكد من سلامة اطفالهم و خاصة في سن ما قبل البلوغ و هو ملاحظة كتفين الطفل اثناء الركوع للامام فاذا وجد فرق في الارتفاع بين الكتفين وجب زيارة الطبيب لعمل مجموعة فحوصات و اشعات لتقييم الحالة و مدي احتياجها للعلاج

 كتير من متابعين الصفحة سألوني عن ( الشوكة العظمية) و ايه هي و ازاي نعالجها؟

الاسم العلمي للمرض ده هو “التهاب اللفافة الاخمصية للقدم” planter fasciitis يعني التهاب الوتر السفلي للقدم

ايه ده ؟ يعني ده التهاب ولا شوكة في العظام؟

الحقيقة ان في ناس كتير لو عملت اشعة هايظهر عندهم بروز عظمي حقيقي من عظمة الكعب و اغلبهم مابيشتكيش من الم و اللي بيشتكوا بيبقوا فقط ٥٪ من الناس و بالعكس في ناس كتير من اللي بتشتكي من الالم ده اشعاتهم مافيهاش الشوكة دي
طيب ايه اسباب المرض ده؟

١) زيادة الوزن
٢) الاحذية الغير ملائمة و الصلبة عند الكعب او الوقوف علي الارض مباشرة بدون حذاء امدد طويلة
٣) زيادة تقوس باطن القدم
٤)بعض الناس اللي عندهم قصر نسبي في العضلة الخلفية للساق

هل في علاقة بين الشوكة العظمية و الاملاح ( ارتفاع نسبة حمض البوليك في الدم)؟

المفاجأة ان مفيش رابط بين الاتنين و نمط الالم اللي بيحدث في النقرس و مكانة مختلف تماما

ايه العلاج؟

اغلب المرضي بيستجيبوا كويس جدا للادوية مضادة الالتهاب بس لازم معاها و قبلها علاج السبب ، انقاص الوزن ، تغيير نوع الحذاء ، و الاهم تمارين الاطالة للعضلة الخلفية و للوتر السفلي
بعض الحالات بتحتاج حقن للكورتيزون وده لازم يتم بحذر و بقيود لان تكراره و اجراؤه بشكل غير سليم بيؤدي لقطع في الوتر السفلي و تسطح بالقدم و الم مزمن
للمرة التانية حقن البلازما اللي اتكلمنا عن فوايده في الركبة كمان ثبت انه فعال في المرض ده
نادرا جدا بيكون في حالات لا تتحسن مع اي مما سبق و بنحتاج لنوع من التدخل الجراحي اللي بيكون ناجح فقط مع الحالات المختارة بعناية اللي ممكن تستفيد من الجراحة دي

 كلنا بنسمع عن الانزلاق الغضروفي و كتير مننا بيخاف من مجرد الاسم، و علشان نفهم المشكلة دي لازم نفهم الاول ايه هو الغضروف الفقاري ده؟

يتكون الغضروف الفقاري من نواة لينة تعمل علي امتصاص الصدمات و تسهيل الحركة بين الفقرات و حول النواة حزام اكثر صلابة يحيط بالنواة اللينة ، و عندما يخرج جزء من النواة اللينة من مكانه ليضغط علي جذور الاعصاب يسمي هذا بالانزلاق الغضروفي.

ايه علاج الانزلاق الغضروفي؟

الانزلاق الغضروفي في بعض الاحوال يمكن علاجه تحفظيا بالراحة و العلاج الدوائي في الحالات البسيطة و اللي الضغط علي جذور الاعصاب فيها بسيط
الحقن الموضعي حول جذور الاعصاب تحت جهاز الاشعة احيانا بيكون الحل في حالة عدم الاستجابة للعلاج الدوائي
و في احوال كثيرة يحتاج الي التدخل الجراحي لاستئصال الجزء المنزلق من الغضروف في الحالات اللي فيها ضغط كبير علي جذور الاعصاب.

ايه الجديد في جراحة استئصال الغضروف؟

يوجد العديد من التقنيات الحديثة مثل المنظار و الميكروسكوب الجراحي و الفتحات قليلة التدخل اللي بتخلينا نعمل العملية كلها من فتحة صغيرة جدا باقل قدر من التاثير علي العضلات و اربطة مفاصل الفقرات اللي بتقلل نسب المضاعفات و تسرع من عملية التأهيل ما بعد العملية اللي بتخلي المريض يرجع للحياة الطبيعية تماما بعد اسبوعين من العملية.

ايه هو حقن البلازما او الخلايا الجذعية او الصفائح الدموية او ال platelet rich plasma اللي بدأنا نسمع عنه كتير مؤخرا؟

الاجابة هي ان دم الانسان بيحتوي علي حاجات اسمها عوامل التجديد و النمو growth factors و دي هي المسؤولة عن تكاثر الخلايا و تعويض اي خلايا الجسم بيفقدها نتيجة عوامل السن و الاستهلاك الطبيعي.
الجديد ان العلم توصل لطريقة حديثة و بسيطة لفصل الجزء من بلازما الدم الغني بالعوامل دي و بدأ العالم في السنين اللي فاتت يعمل ابحاث كتير عن فوائدها في امراض كتير من ضمنها خشونة المفاصل
في ٢٠١٥ طلعت نتايج عدة ابحاث عالية الجودة و نشرت في اقوي الدوريات الطبية زي journal of arthroscopy مثلا و اكدت ان حقن البلازما فعلا بيجدد الاجزاء المتآكلة في مفاصل الركبة في الخشونة المتوسطة و في الحالات اللي التآكل ده محدد في مناطق معينة في الركبة
و لراحة مرضانا الكرام وفرنا الجهاز ده في العيادة و العملية بتحتاج حوالي ٦٠ دقيقة بنقوم بسحب كمية من الدم و باستخدام الجهاز بنفصل البلازما الغنية دي و نحقنها داخل الركبة و تكرر الجلسة دي مرة تانية او مرتين علي فترات يحددها الطبيب